tszting

位於花園街頭 全店以黑白灰為主其本上 成條街一睇就知邊間而另一條街尾好似重有一間分店
店面都幾闊落 有好幾塊全身鏡可以唔駛同人爭我相信佢好想營造o個種party既氣氛所以環境好暗 其實咁樣行得重唔舒服而且門口見到咁黑 已經好唔想行入去當然佢都有某些衣服是其他顏色 不過唔多 你都冇心機去睇
因為等朋友既關係 先至入去行左一陣買左一件黑色lace top個款ok 重要係個心心lace吸引到我買店員既服務就一般如果佢見你想買野 佢都會偶爾sale下你但到你真係叫佢搵件衫就有d難度可能太忙 佢好似唔太想去理你咁收銀個度重衰 只係收錢俾貨一d笑容都冇 好似想你快d走咁

Kitteh真係好快手 去完美姿話咁快就post新意見@@
大家有冇睇到佢o個兩篇美姿意見? 其實我都幾鍾意佢o個隻粉藍色既波點裙, 大家可以去睇下
 
不過佢好似冇提到o個次我地o係呢間美姿行左2個鍾, 一直不停咁搵丫搵, 穿梭哂樓上樓下, 尋完寶大家除左手腳軟哂  重要滿身灰塵
所以Kitteh話懶人唔好行美姿 其實重係要加耐性&體能—女士既戰場
 
入返正題 有幾件本來會買但太肥放棄了 

好想買！　不過會有機會著到先算
 

依條個白底黑點　復古味十足
 

其他覺得幾ＯＫ　而最後都冇買既~
 

一定要睇下Ｄ襟章同蝴蝶結！
 
 
下章TO BE CONTINUED...

 

又係食正我鐘意的幻彩色
一見到幻彩色就不其言看一眼
最後又係忍不住買回去
 

這件連身裙是綁頸大露背款的
打一個大蝴蝶結在後頸位　十分漂亮呢！
 
這間出口店不定時也有新的貨版
基本上日日都更新
店雖不大人流卻高得誇張
每次經過店外, 都會看見裡面擠滿了人
有時人多得連轉個身都難!
 
逛出口店是有秘訣的
 
很多時候大家都習慣性喜歡的衣服放下回頭再看
在出口店千萬不能這樣做！
你要想像自己在跳蚤市場
因為大多數的衣服只有一件
而好看的通常很搶手, 不然一放下就沒了
你會看到他們的手上都掛滿衣架　這就是原因!
 
講價都有秘訣~最好聲氣放溫柔點
可以的“似熟賣熟”, 說自己是熟客常常都去看
(人流這麼多, 他們都不一定記得這麼多)
不時挑剔衣服的缺損, 這樣會令講價的過程更加成功！

較早前 Inducer內衣開倉低至22折
 
如果你不時都有睇開內衣 以百貨公司的質素當然冇得相提並論
但Inducer所賣緊既係日本澀谷入口的內衣
而都不過係$88蚊一套bra set
這般創新低的價錢 人如潮湧的格局 你就知有幾抵！
 

買了這兩套Bra Set, 外加一套晚裝專用Bra
 

 
 
 
其他靚住既Corset都只係$399, 但開倉後第二日上去睇已經賣哂
另外也有少量Bikini同豹紋圖案的Nude Bra
在朋友的熱烈推薦下 也忍不住買了好幾套試試
如果今年你錯失了這機會 下年一定唔好走寶
而且要第一日開倉就上去 保証萬無一失！
 
 
 
此後 我愛上開倉買Bra
 
 
Inducer（ 2881 0802）1:00pm-11:00pm銅鑼灣利園山道 27號 3樓

季頭時 在zara買了一件剪裁簡單修身的西裝外套,因天氣酷熱的關係, 根本沒辦法著上身 ---氣溫高達33℃ 雖然質地算不上厚重, 但也足以熱死人
 
後來眼見各商鋪都賣有同樣的款式價錢重要平過zara好多 (哭)心想 天氣轉涼 一定好多人著到時實撞衫撞到暈!雖然每個人演繹出來的效果都不同但看到別人跟自己穿一樣心情定必不是味兒...
解決方案一:未剪tab, 連收據, zara可以30日內全數refund
缺點:不是人人都會keep收據同唔剪tab怕麻煩既 就算唔著 都未必會去refund而且有時間限制 加上件外套好似已經放了近個幾月= =
解決方案二:上yahoo bid, 去二手店放左佢, 重有錢收!
缺點:雖然著都未著過, 但依家周街都有得賣點解要買你!?而且就算有人買 頂多都係收得返好少好少錢
 
解決方案三:等待時機 放到d人唔著你先著
缺點:放到過左氣, 如果你唔怕outdate...
 
最後解決方案, 唔理會天氣熱唔熱著左先算, (反正公司空調勁!) 到時多人著再算!

mydress激發起我一股無名既衝動去睇返個衣櫃有幾精彩,有好多衫原來買完都未著過,甚至連個tab都未剪...
 
之後搵搵下發現一件早期朋友在日本SHAGADELIC-シャガデリック買俾我既衫係一件cutting簡單的小喇叭手袖上衣, 顏色係我喜愛的light teal<3



「shagadelic」本身已經充滿了70s~90s的懷舊味道, 加上印有十分搶眼及grunge味極重的髒亂字體 (美國風格既漫畫字型), 著上身後再束起一條高馬尾, 直頭就返返去以前電影個年代!
其實懷舊味道的衫真係放幾耐都唔會過時 (that's why我放衣櫃一直保存至今), 如果香港有多d店舖可以賣多d懷舊款式的衣服 我相信都會有幾多支持者~而我應該會係其中一個粉絲 =)