Pinky

好似係 ice-fire 宜家有折, 係佢地 website 見到喱件 denim vest, 不過係 new arrival, 可能冇discount >.

前排襯佢做緊六折，所以買咗啲一件頭嘅裙。本身原價嘅時候依間嘢啲衫真係要諗諗先買，事關之前買過件tee，著兩著就起毛頭，洗唔夠幾次就變得好殘舊，印象唔係太好。
唔知係唔係為咗吸納多啲顧客，之前憑學生證就可以有六折優惠。另外早排為咗慶祝成立四十周年，特別設計咗限量版Retro Collection，包括滑浪褲、T恤同配件，可以體現七十年代嘅復古時裝。

平時同同事食完lunch都會周圍逛，唔好浪費一分一秒去揾靚嘢。咁有日我地去咗h&m巡舖，果然有正嘢！十月一到，朝早起身番真係有d涼，咁就有藉口去買嘢。我見到件黑色長身圓領針織，只係hk$199，好啱番工。之後再睇到一件黑色長身cardigan，可以放喺公司著，只係hk$149，抵！


但係lunch time嘅h&m好多人，d嘢好亂，排隊條龍好長，所以唔會成日去law。

Pinky 加入了新的相片

新世紀既B+AB好多款~比起朗豪坊既又冇咁迫~所以我比較鐘意去新世紀尼間買衫~尼排B+AB做緊SALES~好多衫都係半價以下~不過係B+AB買衫有D煩~要係一大堆衫入面搵~有時見到佢咁亂真係冇意慾搵衫~佢而家既褲都幾抵~有D長褲都只不過係百幾二百蚊~不過靚既款又好似唔太多~所以睇左陣就走左啦~

G.O.D賣嘅嘢大部分都好有文化色彩好特別，除咗有好多精美嘅精品擺設之外，仲有男女服裝賣。入面最搶眼嘅就係唔同顏色印咗Delay No More logo喺上面嘅print tee，大部分tee都係二百幾蚊左右，但有一欄啱啱減緊價百幾蚊一件。佢啲tee其實有好多都印住好特別嘅圖案，有啲睇落好似潮語呀火星文咁，體現晒依家嘅社會文化特色。除咗tee之外，仲有啲皮帶呀，袋呀，女性化少少嘅衫，不過後者就貴少少喇。如果要搵啲代表到香港嘅嘢的話，G.O.D係唔錯嘅選擇。

次次經過依間野都俾佢傳出黎嘅香味吸引，同fruit and passion傳出黎既味好似差唔多。
尖沙咀依間分店仲有埋café添，行到攰攰地入黎坐坐都唔錯。入到去發現啲裝修好古典，有梳化有木製傢俬，好有住家感覺。雖然得一個fitting，但好大同埋好有格調。除咗衫褲鞋之外，仲有memo pad，letter set，seal，postcard等精品。見到有支fragrance candle賣，但感覺好似果種香味唔係由佢發出黎咁。依家做緊final sale，有啲貨品仲低至三折，但係原價大部分都 $500以上 =[

自己本身唔係幾鍾意agnes b，覺得太common，周街同人撞。但係sport b就比較好，一黎casual啲，二黎我鍾意佢成間舖都暗暗地，以沉色調嘅木為主，感覺warm好多。間唔中去dfs galleria望下有咩skin care抵買，順便都落去睇下衫。
店入面嘅衫都係舒服易襯為主，仲有少量sneakers款可以揀，又可以順便襯埋啲accessories，襯個sporty啲嘅look。講真，喺大路啲嘅運動專門店好似馬拉松呀、nike呀、adidas呀咁，果度啲衫褲鞋襪都差唔多呢個價錢啦。
各位sis有冇同感?

同男朋友行街街，扯左佢入H&M睇衫，行左兩步就見到條紅色碎花連身裙，好特別，有ｄ似Kate Winslet 讀愛入面條花裙d feel，不過佢ｏ個條唔係紅色啦。

男朋友都話靚呀～不過佢就話似Penelope Cruz多過Kate Winslet喎。嘩，排fitting排左好耐呀，重要畀幾個大陸客打尖添呀，衰到死 ......好彩試完上身都好靚，唔會好老，男朋友都讚，hehe！＄２９９，唔貴呀，扮下鬼妹style都好。

估唔到我做左第一個。
由上兩季開始一直都想買一條「４個骨」西褲，不過見親哦ｄ都係差少少，一係褲腳太闊、一係太短，一係就質地薄過紙，唔挺又好易皺，好褲難尋。今日去5cm見到有一條，睇落都幾唔錯，但唔平，都成＄８００。隔離有一堆特價，先＄２００頭，不過冇４個骨。女ｓａｌｅｓ好主動同我講特價貨冇ｓｉｚｅ，又問我想搵咩款，咁岩又ｓｅｌｌ番我條 ４個骨，仲借埋裇衫我襯，就試下啦。一試，又真係幾好睇，各樣野都岩我心水，雖然８舊水都係買左。
 

同係ｉ.ｔ.旗下，5cm好izzue好多。