joey

oh. just saw this in mydress facebook... 由大熱的animal print到animal foot…，應該要怎樣穿呢? 我諗我著完肯定腳都跛

尼間鋪頭感覺好日本FEEL, 有好多格仔+KNITWEAR+淨色衫. 款好多, 真係睇到花多眼亂. 最終揀左一件V NECK既KNITWEAR試~

尼條KNITWEAR質地好舒服,不過因為本人高又唔係高,矮又唔太矮既關係,衫既長度好奇怪. 我諗細細粒既SIS們著尼條就會好CUTE !不過件衫都幾貴~要成$338. 如果佢係長袖就可以著埋冬天, 但尼隻款料比較薄, 所以都係勉強秋天先著到.

平時都好少行Club Monaco，weekend心血來潮入去巡一巡就睇o岩條背心裙。佢係最classic o既 black & white tone，不過玩D幾何pattern，重玩得幾bold添，所以都幾特別，就算當係partywear都OK咖。不過最衰就係小妹唔係D高瘦o既鬼妹身型，著o左上身好似唔係太carry到，好可惜呀。

雖然我冇買，但誠意介紹畀高瘦o既姊妹們~價錢好似大約一千。

八號風球可以早放工，同大家 share 一下。
不嬲對izzue d tee無咩大印象，通常都好鬼齋，橫間或deep V，今季靚左喎，有 d punk味，我就買左lee件，硬係覺得好似一隻CD ｏ既封面，不過又醒唔起邊一隻。

我覺得個design玩字都玩得幾靚呀，唔會好似Ｄ恐嚇信咁左拼右貼但完全溝唔埋。而家少ｏ左好多人著punkｏ野，個個都「大人服」加草帽，izzueｏ係lee個時候出番Ｄ punk ｏ野，反而幾有guts喎我覺得，唔洗俾人帶住ｏ黎走嘛。

想買件平平ｏ地ｏ既ｚｉｐ－ｕｐ俾細佬返學著當冷氣樓，佢就「目及」中ｏ左件假皮ｏ既zip-up biker褸，遠離Ｏ左「平平ｏ地」ｏ既宗旨，不過見佢著上身又真係幾好睇，阿媽就話「買ｄ假皮要ｏ黎做乜鬼呀」，推ｏ左佢過賣冷衫ｏ個邊。但行ｏ左大半個鍾，佢都係走番番去件biker褸度，試完又試，見佢咁癡情我就送ｏ左畀佢。將相o個件只係款似，因為真身已經跟ｏ左細佬番hall影唔到。

先幾日嚮Salad睇到一件西裝背心，之前嚮 2 percent入面今宿麻美ｏ個條LINE度見過好類似ｏ既，又係衫尾有ｄ紗咁好靚ga，不過salad呢件圓腳，同埋整體感覺casual ｄ，聽完朋友ｏ既意見，都係覺得salad呢件多ｄ場合著到，又平ｄ，雖然冇今宿麻美ｏ個件咁靚，但係我都係決定買佢。YEAH，又有新衫著！
不過要努力ｄkeep fit，唔好俾ｄ拜拜肉出ｏ黎影響整體觀感先得！

呢到櫥窗既 display都好穩陣,相信都係做OL生意居多,d衫都係日韓貨,這裡賣既衫無咩驚喜,但係鞋同飾物就值得留意啦!大部份都掛係衣架上面襯衫ga!

白色皮繩金鏈配仿象牙玫瑰,很復古典雅吧?有時想穿得plain d就要係飾物到花心思啦!另下水手舵也不錯喔!

全港最好行ｏ既Zara應該係Pacific Place呢間嫁喇，至少減價ｏ既時候呢度唔好好似垃圾崗摷垃圾，平時ｄ款色又冇咁快斷。
同兩個朋友趁減價ｏ黎睇下有冇ｏ野執，個個都有收穫。我自己就買左條cyan色tube dress，唔知呢排瘦左定點，一試上身原來都幾sexy，不過夏天唔show下都唔知幾時show，唯一就係要諗下襯咩色鞋，因為呢隻色唔算好好襯。

各位sis有冇咩idea?