janice lam

#snapshot# 寬鬆的ZARA九分褲配露趾鞋與西裝外套，簡約!

topshop 的一件頭泳水,好有夏日feel呀.

#snapshot# 瑞典女孩 Frida Johnson - 格仔shirt配牛仔短褲，再加對短靴, causal 得黎又不失女人味！

6個外國女星同穿一條裙子，少見呀... 來自D&G的裙子，好左唔係同一場合！

充滿八十年代少女味道的 Material Girl 時裝系列，唔知香港有冇得買呢...

「英皇新秀歌唱大賽2010」，於7月5日舉行記者會，其中，古巨基及 Joey 都穿上白色 Tee 配以今季大熱的大浪褲，衣著極其相襯！

冬天o黎喇！我諗大部分女仔都鍾意秋冬季，多好多靚衫著，又遮到鬼鼠肉。舊年秋冬已經想買皮褸，不過多數都好貴，千幾已經叫平，真係唔太捨得囉。原來Heather有仿皮褸，個款都唔錯o架，最重要係平！6百幾之嘛，就咁睇其實都唔覺係假皮囉，我覺得好抵喎。買滿一千蚊重可以即join VIP，第時就有9折喇，我梗係叫埋個friend揀多件湊夠數啦~不過呢，佢其他o野就唔係話好抵咁囉。

行Kitterick時見到呢件紫紅色o既、好八十年代o既suit jacket，簡直係一見鍾情，最喜歡呢D起晒角o既膊可以掩蓋住我o既A字膊。我d八婆friends笑我好似少林足球個阿梅咁，又係有d似o既，當然個膊冇咁誇啦，不過我覺得靚就唔會理。睇睇價錢牌—$1089，umm......唔係一個好吸引o既價，e睇真d，後面有個40% off牌，嘩！好似執到寶咁呀，即pay。

夏天我基本上十日有七日都係著短褲／短裙同拖鞋，最近報銷左一對，唔買返對替補硬係好似差Ｄ咁。
早兩日行過roxy，好自然就走左入去物色新拖鞋。見到一對其實唔係好特別ｏ既粉紅色拖鞋，但好鍾意，正諗住速戰速決既時候，又畀我見到一對特別Ｄ o既白色涼鞋款拖鞋，同平時著開ｏ既有少少唔同。而家ｄ Gladiator 涼鞋我最鬼死憎，呢對簡簡潔潔咪幾好，所以買左呢對。

IZZUE而家都FINAL SALE~做緊3折~好多衫都由$5XX減到$2XX~平時既IZZUE衫有D都幾靚~SALES就更加要入去睇下執唔執到平野~入去我就揀左條LEOPARD SHORTS($200)黎試下~佢隻色灰灰地~著出黎唔會太OVER~加上佢係高腰褲款~睇落去隻腳好修長~但係佢最細既SIZE係26,冇細D~所以最終冇買到~

 

K2係我比較小去既鋪頭~因為佢平時d衫都好似太多layers~怪怪地咁~今次見佢final sales所以就入去睇睇~入去見到有d衫比較成熟同斯文d~因為平時有幾日要番文職~所以想買d衫番工著~所以就揀左尼條one-piece試下~

其實條裙都幾靚~因為裙腳係窄左~著出黎幾得意~加上佢係絲質料~所以著上身好舒服~睇落去又唔似咁平~($150)~可惜既係我太瘦”浪”唔起條衫~唔係既話件衫都幾抵買!

係BE度見到mydress, 既然係新野, 點都要支持下啦! 先share第一篇...
做左半年gym，條腰條腿終於都幼番，要買條moussey畀自己做獎勵先。其實同場都有睇blues heroes呀ｏ個ｄ，不過一著上腳，moussey D cutting係寧舍靚，顯得slim好多，我都試ｏ左唔少顏色同cutting，最衰佢冇Ｄ勁sharp黃色ｏ個ｄ款，如果唔係已經買ｏ左，而家再諗諗先，暫時睇中好似呢條咁ｏ既。

當然我仲未有咁瘦，不過都唔會話著唔落「唧」晒肉出ｏ黎咁啦。