emiri

之前收到的禮物

b+ab Fall 2010 high fashion line - 唔係馬~咁快有得賣,下星期去入貨先 ^^

可能我一向都鍾情黑白色的緣故，對喜歡用黑白兩色嘅品牌份外留意。但係其實黑白一啲都唔易掌握，好難將佢地運用得出神入化。
我覺得來自美國嘅Club Monaco用黑白back up佢啲設計走嘅成熟路線就恰到好處喇，男女裝都幾出色。之前去過沙田新城市果間，sales仲好樂意教你點樣去襯果度啲衫，印象幾好，不過果間分店已結業了。

上個月因為Maison Martin Margiela正式喺香港登陸咗三周年嘅關係，推出咗三周年嘅限量紀念品－pure white mahjong set，不過當然係有限制架啦，仲不設公開發售添。

其實MMM都幾貴架，基上要過千先買到一樣嘢。係件AIDS t-shirt叫做平少少，$699，今季以米色配銀字印製，除咗顏色上嘅改變，同之前出嘅AIDS tee根本係一式一樣，不過幾欣賞佢肯為愛滋病人出力。

真係好想要果副白底襯灰黑字嘅麻雀呀，仲要係用個白木盒裝住架，不過佢要買滿 $8,999先可以有一套。

emiri 加入了新的相片

今日放完工就去左旺角~諗住買D可以番工又可以出街既衫~最終又行左去H&M睇睇.今日見到條裙都幾靚~$299~試左出黎條裙好修身~D拉鍊位令到PATPAT位突出左~睇落去線條靚D~不過真係肥小小OR食多小小野個BELLY都出晒黎!

早幾日給此店的型格感覺吸引了，發現店舖地板的顏色和門框配合得很好，另外更用磚頭砌出牆身。由於店的面積大，很寬敞，而擺放衣服的位置它也很好。而所賣的衫有點日本風，有大量不同款式，很易配襯。除此之外，更有鞋款供客人選購。店員很有善，喜歡與客人交流。
不過因為趕時間，未有時間仔細選購衣服，下次經過會再睇睇。

有冇 sis 係度訂個 vivi 既衫? 可信嗎?

荃灣呢開 fleur boutique 同天后個間係冇關係架. fleur boutique 貨源主要係來自韓國。最令人留意的係鞋款，款式特別，出面街好少會同人撞款。而衫褲裙都好易配搭，價錢合理，有的更低至$60。店員有善，但唔會主動提出意見或者不斷介紹新貨，除非客人提問，令到客人有自己的時間去睇衫。

外面睇落間舖比較舊，但是掛住好多已經配搭好一套套的衫，俾人感覺好有誠意同可以給客人提供唔少著法。由於鋪頭好細，但唔亂。它賣的主要係可愛飄逸的連身裙，質料較薄，很適合炎炎夏日時穿著。另外，layering亦係賣點，好多衫都可以互相配襯。差不多所有衫都有Lace，吸引左好多時下愛走公主路線的年輕女生購買。夏日8折，大約$200。

k.a.t.e 是一間售賣較斯文的衫，走Smart casual的路線，適合上班一族穿著。它售賣的衫唔只係裇衫，還有一些雪紡質料的連身裙，可以配leggings或skinny jeans.店舖的設計簡單，有很多sale的裝飾，吸引人入內參觀。現在它有60%的折扣優惠。店員笑容甜美，平易近人。

Bauhaus 以黑色為店舖的主題色，加上射燈的配合，令到它更有神秘感。時下不少年青男女都喜歡到此買衫，而它所賣的衫的設計都係充滿rock味的，另外亦有belts同銀包出售。由於它係一間出名而質料又有保障的時裝店，所以價格屬於中上位置。但是現在的promotion係 ‘Bag to school’，所以相信這是開學前最後的sale。而店員的衣著都係型格同有fashion sense的，態度友善。

這間鋪的設計很用心，有很多擺設，利用很多唔相關的東西裝飾成個櫥窗，但效果很好，很特別。它售賣的衫係比較成熟，適合出席派對，連身裙和鞋款的質料都係較佳，而價錢亦相對較貴。店員有善，樂於從旁協助及講解，會提供很多配襯方法，而眼光也獨到。